CARBOOCEAN – ei kort oversikt over prosjektet

Hovudmålsetninga for prosjektet CARBOOCEAN er å kunne gje ei nøyaktig vurdering av kjelder og sluk for karbon i havet. Målet er å redusera dagens uvisse i overslaga over den mengde CO₂ som vert utveksla mellom luft og hav med ein faktor på to globalt og ein faktor på fire for Atlanterhavet. Prosjektet vil levera framstillingar, prosessorientert forståing og framtidsutsikter over korleis marine kjelder og sluk har variert og korleis dei i framtida vil koma til å variere. Prosjektet vil spesielt konsentrere seg om Atlanterhavet og Sørishavet, og fokusera på tidsrommet 1800 til 2200, dvs 200 år fram i tid.

Sentrale spørsmål som skal svarast på:

• Kor stort er sluket av CO₂ i Atlanterhavet og Sørishavet, m.a.o. kor effektivt er karbonopptaket og transporten i dei områda av verdshava der djupt vatn vert produsert?

• Kor mykje medverkar europeiske elver og sokkelområde til dei storstilte CO₂ utvekslinga i det Nordatlantiske hav sett i forhold til CO₂ opptaket på det vest Europeiske kontinent?

• Kva er dei viktigaste biogeokjemiske tilbakekoplingane og korleis vil dei verka inn på karbonopptaket i havet?

• Kva er den kvantitative globale og regionale verknad av slike tilbakekoplingar når dei vert forsterka av forventa klimaendringar i dei neste 200 år?

CARBOOCEAN vil forsøka å få svar  på desse spørsmåla gjennom grunnleggande forsking utført i ein strategisk kombinasjon av omfattande observasjonsprogram, prosesstudium og bruk av avanserte datamaskinmodellar som i sum fokuserar på dei viktigaste kvantitative aspekta av problemet. Prosjektet er konstruert og basert på desse tre elementa – observasjonar, prosesstudium og integrert modellering – som er likeverdig med skildring, forståing og varsling:

• Oppnå ein marine karbonbalanse for dei siste 200 år basert på høgkvalitetsmålingar.

• Oppnå ei prosessbasert forståing av responsane i den marine karbonsyklus drive av ulik framtidig påverknad, utleia ved prosesstudie i  felten, i laboratoriet, og gjennom modellering.

• Finne det fulle karbonbudsjettet for tidsperioden 1800 til 2200 ved å nytta eit modellbasert rammeverk rundt observasjonar og  tilbakekoplingsmekanismar.

Also available as .doc.